څنګه يو عادي ماسټر کارټ جوړ کړو؟
پرون ډېرو ځوانانو پوښتنه کړې وه چې څنګه داسې يو کارت جوړ کړو چې انلاين کورسونو ته فيس پرې تحويل کړو، انلاین (په پيسو) اپليکېشنونه پرې واخلو، يا يو سافټویر وپېرو ،يو کتاب په سافټ بڼه واخلو او يا ګېم پرې مخته بوځو؟.
• خپله اصلي تذکره او دوه قطعې عکسونه مو را واخلئ
• نسبتا له نورو بانکونو اسانه او ښه بانک AIB (Afghanistan International Bank ) دی ،يوې څانګې يا مرکزي دفتر ته يې ورشئ
ورته ووايئ چې ماسټر Prepaid کارت جوړوم.
• هغوی د ماسټر Prepaid کارت قيمت ۳۰ ډالر ټاکلی دی نور نو ستاسې خوښه چې له دېرش ډالرو ماسوا نورې څومره پيسې په ډالرو ور اچؤئ (فکر کوم تر ۵۰۰۰ ډالرو پورې کارت ته وراچولی شئ).
• نو چې هره خريداري کوئ يوه ډېره کمه فيصدي هغوی درڅخه کټ کوي يا کېدای شي د مياشتې يو ډالر وي. (ددې معلومات هماغه نمايندګي درکولاي شي)
• کارت مو په ۲۴ يا ۴۸ساعتونو کې فعالېږي.
او تاسې کولای شئ د انلاین خريداري لپاره خپل نوم،د(پري پېډ ماسټر کارت)عمومي نمبر ، د کارت دختمېدو نېټه او شاته دری رقمي کوډ په داخلولو سره يو شی وپېرئ.
• که دې په کارت کې اچولې پيسې پکار شوې د هر بانک له ATM څخه يې را اېستلی شې.
تبصره / نظر
د همدې برخي څخه
شریک کړئ
زمونږ فيسبوک
