حکمتیار: په الاسكا كي د ټرامپ او پوتين اجندا كي د افغانستان په اړه به ئې گډ تصميم څه وي؟

په الاسكا كي د ټرامپ او پوتين ناستي اجندا كي لا څرگنده نه ده چي د افغانستان په اړه به ئې گډ تصميم څه وي؟ خو د پوتين دا خبره د ډېرو اسرارو غمازي كوي چي وئې ويل: موږ گډ دښمن ته ماته وركړې دا كوم گډ دښمن وو او كله ئې ماته وركړې جرمني كه افغانستان؟ 77 كاله او كه 25 كاله مخكي جنگ ‏نن د دوى په وړاندي څو مهمي قضيې دي: اوكراين، غزه، د ايران اتمي تأسيسات او افغانستان؛ په دغو كي وروستنى هغه هېواد دئ چي دواړه په گډه د مجاهدينو او طالبانو خلاف په كي جنگېدلي د شل كلن امريكايي اشغال او شوروي ځواكونو له وتلو وروسته جنگونو كي گمان كوو د پوتين هدف افغانستان دئ.
‏د ټرامب له اظهاراتو جوته ده چي په اوكراين كي پوتين ته امتيازات وركوي، خو دى په غزه  او ايران كي ټرامپ ته بدله نه شي وركولى؛ يوازي افغانستان كي د مخكي په څېر د امريكا مرسته كولى شي؛ زموږ شمالي گاونډيانو او هغو مسكو پلو ډلو له لاري چي په شل كلن اشغال كي د امريكا خدمت كي ول.
‏موږ به څه كوو؛ له پاكستان سره مو اړيكي ترينگلي، ايران مو مرسته نه شي كولى، مركزي آسيا كله له روسانو او كله له پاكستان سره زموږ پولي ته څېرمه د تروريزم خلاف گډ نظامي مانورونه كوي؛ په داخل كي نه يوازي له ملي وحدت محروم يو بلكي حكومت د ټولو سياسي ډلو خلاف د دښمنۍ لار غوره كړې.
‏آيا د ملي تفاهم او پر يوه ملي ميثاق د توافق لار غوره كولى شو؟د ټولو ملي قضاياوو په اړه داسي گډ او ملت شمول دريځ او تگلاره چي د ملت غوڅ اكثريت ئې تر شا وي؟ كه دا ظرفيت او وړتيا په ځان كي راپيدا كړو نو كېدى شي د رڼا په لور لاړ شو او الله تعالى مو د گواښونو په وړاندي مرسته وكړي.