ډیلې شهادت

عبيد الله ساحل

عبيدالله ساحل د استاد عيسی خان زوی، د د باريکاب په يوه دينداره کورنۍ کې زېږېدلی دی. دا مهال يې د ژوند نهه ويشت سپرلي پوره کړي، خورا نېک او خيرخواه ځوان دی. خوږه او زړه راښکوونکي ژبه، ژوره مطالعه، روان قلم، بیدار جرئت او صميمانه خوي لري. د بټي کوټ له عالي لېسې فارغ، د نړيوال اسلامي پوهنتون ـ اسلام اباد نه يې مطبوعاتو څانګه کې لسانس کړی، نمل پوهنتون نه يې انګليسي ژبه او ادبياتو کې ډګري بشپړه کړې،او دا مهال د ګڼو سياسي او ټولنيزو بوختياو سره سره نړيوالو اړيکو کې د ماسترۍ په زده کړو بوخت دی، د خپلې مورنۍ ژبې تر څنګ په دري، انګليسي، اردو او عربي ژبو مسلط دی. ساحل لا ځوان دی خو تر دې دمه يې په علمي، سياسي او ټولنيزو موضوعاتو کې کابو دوه سوه ليکنې کړي، چې معتبرو ويب پاڼو او ورځپاڼو خپرې کړي، نوموړي په انګليسي ژبه کې د افغانستان پر جګړه يېزو پېښو ډيره خوږه او علمي څېړنه کړې،، چې د نړيوال اسلامي پوهنتون له لورې خپره شوې. دا مهال د ويناوالۍ په اړه د يو کتابګوټي پر ليکولو هم بوخت دی. فعاليتونه يې: د زده کړو په دوران کې د ليسې د فرهنګي چارو مسؤل، د سعادت مجلې مسؤل مدير، پاکستان کې د افغانستان د سفارت له لورې د محصلينو اتحاديې د کلتوري چارو مسؤل، د محصلينو اسلامي ټولنې وياند او د ويښتابه مجلې د مرستيال مدير په توګه پاتې شوی. د خير او ښېګڼې فعالیتونه يې: هڅه کوي، چې د خپل ولس بااستعداده ځوانان د لوړو زده کړو لپاره په داخلي او خارجي پوهنتونونو کې د وړيا زده کړو زمينه برابره کړي او برابره کړي يي ده، د صحت په برخه کې يې هم دوه ننګرهارۍ کورنۍ چې د کنسر په رنځ اخته وې د علاج لپاره د هند او قطر هيوادونو ته استولي او وړيا درملنې لپاره يې ورته لار برابره کړې او لا هم په دې برخه کې نه ستړي کيدنکي ګامونه اخلي، اوس مهال د خپلو سياسي او علمي امورو ترڅنګ مشرانو جرګه کې رسمي دنده لري، د حزب اسلامي د سياسي چارو رياست سکرتر دی او تازه يې يو نړيوال خيريه بنياد سره په بورد کې د افغانستان مسؤلیت پر غاړه لري. غله يې ډيره، سټه يې روغه او ژوند يې مالامال! خو ملګرو دا چې تل مې دا خبره تاسې ته کړې او کوم يې، هيله کوم خپل کادرونه د زړنه ونازوۍ ځکه چې زه ورسره نور هم ډاډ او سکون اخلم، هيله کوم د نورو پر وړاندې بايد خپل کادرونه ونازوه،