د انساني تأريخ په يوه ډېر مهم زماني مقطع کي
د قرآن کريم په سلګونو ژبو له ژباړنو او تفسيرونو سره
د کائناتو هره برخه د الله تعالى په ربوبيت، وحدانيت او حقانيت شهادت ورکولو سره
انساني علم، تمدن او صنعت د خپل اوج په مرحلې کي
نړۍ وال د سترو فرعونيانو، دجالانو، او استعمارګرانو په ولکې کي
نړۍ د سرمايې په اوج کي په فقر، لوږې، نېستۍ، او سودونو کي غرقه
ظلم، بې عدالتي، استحصال، استعمار، استحمار، ګمراهي، افساد، قتل او قتال، غارت او غصب په خپل اوج کي
د مبارزې، دفاع، لاسنيوي، ملاتړ، د نجات او هدايت رسالت پر مخ وړلو لپاره بهترين زمان او فرصت سره
ډېر په خپلو ځانونو، اولادونو، دروغجنې دنياګۍ او کورګيو مصروف دي، له دروغجنې دنيا سره ځانونه عياروي، د ځايګاه او مشارکت په لټه کي دي، په وړې دائرې کي زنداني دي، ستر رسالت ترې هېر شوى، د نړۍ خلفاﺀ نه بلکې د نړۍ غلامان ګرځېدلي، ځانونو، انسانانو او خداى ته دوکه ورکوي، مګر د الله تعالى مؤاخذه حتمي ده.
د نړۍ د اوضاعو په هکله سړه خاموشي به بالآخره سړې سړې سپېړې د همدغو انسانانو په برخه کوي. الله تعالى مهلت ورکوي، ترڅو د هدايت وړ لاره ومومي او د عذاب وړ د ښه سخت دنيوي او أخروي عذاب، ذلت، او بدبختۍ مستحق وګرځيږي.
څوک شته چي د موسى لاره ونيسي، د فرعونيانو مقابلې ته چمتو شي، مظلومو ته نجات ورکول خپل مقدس رسالت وګڼي؟
تبصره / نظر
نظرات / تبصري
د همدې برخي څخه
شریک کړئ
زمونږ فيسبوک
