هغه کسان چي د اسرائيلو جگړه تمویلوي؛ هغه عربي هېوادونه (دیکتاتور مشران) دي

زه غواړم ځیني حقایق روښانه کړم چي ډېری خلک ترې بېخبر دي؛ دا حقایق امریکایي چارواکو او پخپله د جو بایډن لخوا تائید سویدي:

۱- هغه کسان چي د خبیث قوم جگړه تمویلوي؛ هغه عربي هېوادونه (دیکتاتور مشران) دي.

۲- څوک چي خبیث قوم ته وسلې ورکوي؛ هغه په خلیجي هېوادونو په ځانگړې توگه په اردن کي د امریکا نظامي اډې دي؛ دا هر څه د دوی په خوښه ترسره کېږي؛ په دې اړه پر  نورو تحلیلونو باور مه کوئ.

۳- چا چي خبیث قوم ته د زمریانو (ح) د برید په اړه خبرداری ورکړی وو هغه مصري استخبارات وو؛ ځکه دوی هر وخت د خبیث قوم له استخباراتو سره گډه همکاري کوي؛ دا ځکه د خبیث قوم د رټل سوي دولت ساتنه د اوسني مصري رژیم له لومړیتوبونو څخه دئ؛ سبب ئې دا دئ چي که چیري دوی د خپل واک د ساتني لپاره د امریکا ملاتړ ترلاسه کول غواړي نو دې خیانت ته به حتماً دوام ورکوي.

۴- اکثره عرب رژيمونه د خبیث قوم سره د اړیکو له عادي کولو پرته پر خپلو خلکو واکمنۍ ته دوام نه سي ورکولی؛ ځکه دا د امريکا اساسي شرط دئ. عرب دیکتاتوران (د سعودي په گډون) له همدې امله دې جوړجاړي ته ډېر لېوال دي.

۵- سعودي عربستان، امارات او اردن هغه هېوادونه (خبیث عربي مثلث دئ) دي چي د خبیث قوم اقتصاد ئې د هغه زمکني پل له لاري چي له دغو هېوادونو تېرېږي د سقوط له ناورین څخه وژغوری. په دې لړ کي دوی د یمن جرأتمندانه هڅي تقریباً په سیند لاهو کړيدي؛ دا همدوی دي چي ایراني او یمني راکټونو مخه نیسي تر څو خبیث قوم په نښه نه سي.