ناټو د اوکراین جګړه یوه نړیواله جګړه بولي

د مونیخ له امنیتي کنفرانس څخه داسې انګیرل کیږي چې ګواکې د اوکراین جګړې نړۍ بدله کړې ده. په دې غونډه کې ناټو د اوکراين جګړې ته نړيوالې جګړې نوم ورکړو. د اوکراین د جګړې پر سر د نړۍ د زبرځواکونو ترمنځ سیاسي، نظامي او اقتصادي رقابتونه ورځ تر بلې په زیاتېدو دی. په داسې حال کې چې د دې جګړې له کبله تر ټولو زیات اوروپايې هیوادونه له امنيتي او اقتصادي ګواښنو سره مخ دي. له بده مرغه د اوروپا ځيني هیوادونه واک او اختیار نه لري چې خپلو ستونزو لپاره په مستقل شکل د حل لاره ولټوي، یوازې په یو شکل نه یو شکل منحصر او لاس تړلي دي.

‏حقیقت دا دی چې روسان په هیڅ قیمت نه غواړي چې په اوکراین جګړه کې ماتې وخوري، که روسان په دې جګړه کې مات شول دا به د دوی لپاره یو تاریخي شکست وي او د تسلیمپدو په معنا به وي؛ که بريالي شول نو د تیر په څیر به خپل تاریخ یو ځل بیا په اوروپا کې ژوندې کړي.

‏همدا راز ناټو او امریکا نهایي هڅه کوي چې روسان په اوکراین جګړه کې له تاریخي شکست سره مخ کړي.

‏اما چین يې په لوی لاس مخالفت او مزاحمت کوي، امریکا ناټو او چین یوازې اوکراین کې په نيابتي جګړې باندې تمرکز او پانګونه کوي، څو د جګړې ډګر او بازار ګرم وساتي؛ ښايي دغه جګړه نورو هیوادونه ته هم وغځوي. په ډیر لنډ وخت کې به ځیني هیوادونه د اوکراین جګړې په اړه خپل بلاکونه او مؤقف مالوم کړي.