ولي په تیرو شلو کالو کې موږ ونه توانیدو چې د روغتیا سکتور په پښو ودرو
یوه خبره چې د تأمل وړ ده، هغه دا ده چې ولي په تیرو شلو کالو کې موږ ونه توانیدو چې د روغتیا سکتور په پښو ودرو. هر کال د افغانستان ناروغانو تقریباً ۵۰۰ میلیونه ډالر په نورو هیوادونو کې په پوره سرګردانۍ سره په خپل علاج مصرف کړي.
تر اخره د بې کیفیته درملو د واردولو مخه ونه نیول شوه. دا تراوسه څرګنده نده چې د ټیټ کیفیت لرونکو او تاریخ تیره درملو څومره افغانان وژلي او یا یې په نورو ناروغیو اخته کړي.
د میلیاردونو ډالرو او د نړیوالو ادارو د تخنیکي مرستې سره ولي زموږ ناروغان په نورو هیوادونو کې معالجه کیدل؟
د خوړو او درملو ادارې په خپل کلني راپور کې وویلي چې په تیر حکومت کې د درملو واردونکو او حکومتي چارواکو د افغانانو سره ستر خیانت کړی، د مالي فساد له امله یې په قصدي ډول یې د بې کیفیته درملو مخه نه نیوله.
نوموړې ادارې په خپل راپور کې وویلي چې دوي په مرکزي لابراتوار کې د جمهوریت په پرتله ۵ ځلې د درملو ډیر ټیسټونه کړي، او د زیاتو بې کیفیته درملو د واردولو مخه یې نیولي.
له بده مرغه، د درملو واردونکو او خرڅونکو په خپل لاس د ډیرو افغانانو ژوند اخیستی او د نورو وژنکو ناروغیو لامل شوي.
تبصره / نظر
نظرات / تبصري
د همدې برخي څخه
شریک کړئ
زمونږ فيسبوک
