تپوس ؟
زه د خپل څيرې گرېوانه تپوس له چانه وکړم ؟
د دې بې وسه ژوندانه تپوس له چانه وکړم ؟
چې هرخوا ځمه سره اورونه راته بل شي سوځم
دخپل ورک شوي مړستانه تپوس له چانه وکړم
چې اخلم ساه معنیٰ شوه دا چې د ژوند حق لرمه
خو ولې ژوند په ډېرانه ۔ تپوس له چانه وکړم
ليلا وطنه ! دغميو هار دې ورک وو پرون
نن دې د ورک سره پېزوانه تپوس له چانه وکړم
د غزنوي او ابدالي په ميراث کاندي دعوې
د نا بللي مېلمانه تپوس له چانه وکړم
پاچا ! چې ته د هرناکس مخکې ټيټ سر ولاړ يې
زه د تاجک او پښتانه تپوس له چا نه وکړم
د (ملالۍ) له سر ټيکری اخلي( اکبر) ورک کوي
د تالا شوي ميراثه تپوس له چا نه وکړم
خصي مخلوقه! نارينتوب به دې ښکاره شي کله
ستا د مړه شوي وجدانه تپوس له چانه وکړم
گرانه وطنه ! ستا سپرلی (توره کي)ونه ليدو
د درې لسيزو بېلتانه تپوس له چانه وکړم ؟
تبصره / نظر
نظرات / تبصري
د همدې برخي څخه
شریک کړئ
زمونږ فيسبوک
