روژه او طب

طبي څيړنو ښودلې چې روژه د انسان په بدن کې د IGF1  په نامه مواد راکموي ددې موادو کميدل  بدن ته خورا زیات گټور دي ، ځکه خو ډیری نامسلمانه ډاکتران  هم خپلو ناروغانو ته د روژې توصیه کوي.

په لاندې توگه د روژې طبي گټې رالنډوو :

ــــــــــــــــــــــــــــــــــــــــــــــــــــــــــــــــ

۱- د بدن دفاعي سیستم ځواکمنوي .

۲- د بې وخته او ژر زړښت مخنيوی کوي او عمر زیاتوي .

۳- د دماغ کاري وړتیا زیاتوي   او د عصبي سیستم د ښه فعالیت او بیداري سبب گرځي .

۴-د کینسریا سرطان  په مخنیوي  او د سرطاني حجراتو په لمنځه وړلو کې رول لري.

۵- د هډوکو  د دردونو او بندونو د شخي مخنيويی کوي.

۶- د انسولین هورمون  په تنظیمولو سره د وينې گلوکوز برابر ساتي  چې ورسره د شکر مخنيوی کوي .

۷- د لوړ فشار  او د وینې د کولیسترولو په کنترول کې رول لري .

۸- د وينې د رگونو د بندیدو ، د زړه حملې او دماغې سکتې مخنیوی کوي ۹-د بدن اضافي شحمیات او وزن  کموي.

۱۰-روحي فشار  کموي او روانۍ آرامتیا منځ ته راوړي.

۱۱-  په ځان باور او اعتماد زیاتوي.

۱۲- د growth Hormone یا د ودې هورمون کچه لوړوي چې پدې کار سره د بدني عضلاتو خصوصا دزړه دعضلاتو فعالیت تنظیموي.

۱۳-بدن خصوصا ینه یا ځیگر له  زهریاتو پاکوي .

۱۴-د پښتورگو او تریخي د تیږو په درملنه کې رول لري.

۱۵-د هضمي او تنفسي سیستمونو  فعالیتونه یا دندې په ښه توگه تنظیموي.

ژباړه : منصور افغان

یادونه :

د موضوع د اوږدوالي له ویرې په همدې گټو اکتفاء کوو

رسول علیه السلام چې څنگه فرمايي (روژه سپر ده) نو یو تعبیر یې دا هم کیدلی شي چې روژه د جهنم ، گناهونو  تر څنگ د ناروغیو په وړاندې هم سپر ( وقایه ) ده.

او بل ځای کې  رسول علیه السلام فرمايي:

صومــــوا تصحــــوا  یعنې روژه ونیسئ چې صحتمند شئ

مونږ  روژه  دالهي حکم پر بناء نیسو او ایمان مو دی چې د رب تعالی هیڅ حکم بې حکمته ندی.