د انسان د حافظی ظرفیت ډیر پراخ دی

زلمی زابلي

هغه انسان چی ډیر عالم وی چی مونږاوس ورته نابغه هم وایو او ډیر زیات علم یی کړی وی ، د حافظی ظرفیت  یی  لس فیصده هم استعمال سوی نده یعنی تقریبا 90% حافظه یی خالی ده .

د بریتانیا ملی ارشیف چی د ۹۰۰ کاله  را پدیخوا معلومات پکښی  ساتل کیږی ، په 2010 م کال کی د هغه اندازه (70) تیرابایټو ته ورسیده خو دانسان حافظه له دری زره  ( 3000 ) نیولی تر لس زره  ( 10000) تیرابايټو د ساتلو او   ذخیری ظرفیت لری.

په اوسنیو وختونو کی د انگلیستان د طب څیړونکو داکترانو ادعا کړی چه دانسان  د حافظی ظرفیت د مخکینی ریسرچ او څیړنۍ د پایلو په نسبت ، لس برابره زیاته ده

دانسان مغز ، 70% اوبه ، 12% چربی یا غوړ ، او نوره فیصدی یی  د پروتئین ، مالگه او هایدرو‌کاربن څخه تشکیل سوی دی

یو نظر موجود دی چه تر 25 کلنۍ پوری د انسان د مغز حجرات د تکامل په حال کی دی وروسته له 25 کلنی دمغز حجرات دتکامل پړاو ته رسیږی

خو د انسان عقل بیا وروسته له څلویښت کلنۍ خپل  پوخوالی ته رسیږی

طبی څیړونکی نظر لری چه دانسان بدن او مغز د 20000 شل زره کاله په اوږدو کی نسبت پخوا زمانی ته ، کوچنی سوی چه دانسان مغز دتینس د توپ په اندازه حجم دلاسه ورکړی چه څیړونکی تر اوسه ددی تغیر په اصلی علت هم نه پوهیږی، د نارینه جنس د دماغ حجم د اناث  په تناسب لږ اندازه ډیر دی

یو معمولی شخص د ورځی د (50000 ) پنځوس زره څخه تر (70000اویازره پوری مختلیف فکرونه په دماغ کی کوی .

دانسان دماغ خپله د درد احساس نلری ولی د بدن دنورو غړو د درد داحساس لپاره عصبی رشتی لری چه موږ یی درد احساسولای سوو

د هر انسان مغز  د ( 86 بیا تر 100) میلیارده عصبی حجری لری

چه د انسان د بدن د وزن یوازی 2% تشکیلوی

دانسان مغز د خوب په جریان کی هم فعالیت لری او انرژی مصرفوی

انگلیسی ساینس پوهانو او څیړونکو په دی اخرو وختونو کی د څیړنو وروسته نظر ورکړی چه د انسان دسن د پرمختگ په نتیجه کی زاړه عصبی حجری تخریب خو په عوض یی د ورځی تر 700 عصبی نوی حجرات تولیدیږی چه د هر انسان د دماغ په فعالیت ، غذا ، ورزش ، مطالعه او روحی روانی حالت پوری تړاو لری داڅیړنه  ښکاره کوی چه د انسان دماغ د پنځه ویشت کلنۍ وروسته هم په ځینو حالاتو کی خپل تخریب سوی حجرات د سره  تولیدکولای سی 

دانسان دماغ د وینو درګونو څخه غنی دی یعنی که ددماغ د وینو رګونه په یوه امتداد سره وصل سی ممکنه ده تر 160000 یو سل شپیته زره کیلومتره پوری ورسیږی چه د ځمکی د کره په اطراف څلور واری راگرزیدلای سی

د انسان ددماغ د سلامتیا لپاره هره ورځ له پنځه تر اته گیلاسه اوبه چښل ، منظم ورزش ، خندا کول او ځان خوشحاله ساتل ، مثبت فکر کول ، بی ځایه منفی فکر او تشویش نه کول ، ددوستانو سره منظمه ناسته ، منظمه مطالعه کول ډیر گټور ثابت سوی دی