د دستار سړي
سرونه ډېر دي ربه ډېر کړې د دستار سړي
سړي کم نه دي, درنه غواړو څو د کارسړي
چې په ليدلو يې الله او رسول ياد شي چاته
په کلي کور کې مو را زيات شه د وقار سړي
لکه گلونه ترې ورېږي خوشبويي په لاره
ربه زمونږ مالت ته راولې بهار سړي
مړه شوي زړونه په صحبت را ژوندي کېږي ددوی
په معنويت باندې درانده لکه د پلار سړي
خير به يې څه وي چې په ويښه باندې خوب وړی وي
په کار دي نن دغې امت ته څو بیدار سړي
چې تورې شپې د معنويت په رڼا لمر روڼوي
پلوشې شيندي له مشرق نه هر سهار سړي
چې سپين ته سپين او تور ته تور وايي د دار د پاسه
په دې امت کې بلها ډېر شته دي سردار سړي
د شفاعت لوی امتياز دې مبارک وي ورته
د ( توره کي ) قلم مدام ستايي هوښيار سړي
تبصره / نظر
نظرات / تبصري
د همدې برخي څخه
شریک کړئ
زمونږ فيسبوک
