د انجونو د تعلیم بندیز ـ يا خاموشه بم باري..

په افغانستان کې د نجونو پر تعلیم بندیز نه یوازې دا چې د ديني او د انساني حقونو ښکاره نقض دی، بلکې دا پریکړه د ټول ملت پر راتلونکي داسې اغېز کوي چې جبران یې لسګونو کلونه وخت غواړي. تعلیم د ټولنې د بنسټ د ودې اساس دی، او د نیم نفوس (ښځو) له دې حقه محرومول، افغانستان د یوې تیارې راتلونکې پر لور بیایي.

لنډمهاله زیانونه

۱. ستراتیژیک زیانونه:

نړیوال انزوا او د نورو هېوادونو سره د اړیکو کمزورتیا

د نړیوالو مرستو کموالی

په سیمه کې بې ثباتي دوام او د ګاونډیو سره شخړې

د ملي امنیت لپاره فکري او ټولنیز ګواښ

۲. علمي زیانونه:

د علمي پرمختګ درېدنه

د ښځینه څېړونکو او استادانو نشتون

په STEM (ساینس، طب ، تکنالوژي، انجینري، ریاضي) برخو کې شا تګ

۳. حقوقي زیانونه:

د ښځو حقوقي استازیتوب کمښت

د کورنیو او مدني قوانینو نابرابري

د نړیوالو حقوقي معیارونو عدم مراعات

۴. مسلکي زیانونه:

د ښځینه ډاکټرانو، ښوونکو او مسلکي کارکوونکو کمښت

د خدماتو کیفیت ټیټوالی چې پايله کي نورو بحرانونو سربيره په فاحش ډول د زيږدون پر مهال د مور او ماشوم مړينې ډيريدل

د مسلکي مهارتونو د انتقال خنډ

۵. اقتصادي زیانونه:

د تولید او عوایدو کمښت

د ښځینه کاري ځواک نشتوالی

د کورنیو فقر او بې‌وزلي زیاتوالی

د نوښتګر صنعتونو ودریدل

۶. ټولنیز زیانونه:

د ماشومانو ناسم روزنه

د ټولنیزو ستونزو لکه تاوتریخوالي او نشه‌يي توکو زیاتوالی

د ښځو فطري استعدادونو تعطل

د جنسي تبعیض دوام

۷. فرهنګي او رواني زیانونه:

د فرهنګي تنوع او تولیداتو کمښت

د ښځو رواني فشارونه، د ځان باور له منځه تلل

د ژبنیو او فرهنګي اړیکو محدودتیا

اوږدمهاله پایلې

د نسلونو ترمنځ د بې‌سوادي دوام

د نویو استادانو، متخصصینو او کتابونو کمښت

د تعلیمي فرصتونو نابرابري، په ځانګړي ډول د لېرې سیمو لپاره

د نړیوالو علمي او اقتصادي معیارونو نه رسېدل

د مهارتونو کمښت، مهاجرت زیاتوالی

د افراطي افکارو او تندلارۍ پراختیا

د چاپېریال ساتنې او اقلیمي مبارزې کمزورتیا

د افغانستان نړیوال حیثیت او مشارکت کمزورتیا

د نجونو تعلیم یوازې فردي اړتیا نه ده، بلکې دا د ټول ملت، اقتصاد، ثبات او عزت ضامن دی. که نن پرې سترګې پټوو، سبا به د ټول ملت سترګې د شرم له امله ښکته وي هره افغانه خور چې تعليم څخه محروميږي دغه ټولو برخو کي د تباهۍ بمونه دي چې انفجار کوي او داسې خاموشه تباهي رامنځته ته کوي چې نړيوال چټک علمي ارتقا له امله به دغه قوم په پيړيو پيړيو غلامي ته راکاږي