مهم ترین های امروز یکشنبه

ترتیب کننده: هیلی افغان

✒: ‏د کورنیو چارو وزارت سرپرست سراج الدین حقاني وايي، " دا ډېره دردونکې ده چې مسلکي مسوولیت کې غیر مسلکي کسان ګومارل کېږي."

‏نوموړي د خوست شیخ زاید پوهنتون محصلینو ته ویلي، محصلین دې له پوهنتون څخه تر فراغت وروسته د کار او دندې د پیدا کولو لپاره نه مایوسه کیږي، باید زحمت وباسي او ځان ته په حکومت کې د ننه ځای پیدا کړي.

✒: ‏کابل امنیه قومانداني وايي، د پنځمې حوزې اړوند پولیسو هغه دوه تنه نیولي چې د یو صراف څخه یې د یادې حوزې اړوند کمپنۍ سیمه کې پنځه میلیونه افغانۍ غلا کړې وې.

د کابل امنیې قوماندانۍ ویاند محمد خالد ځدراڼ وايي، له دې سره هممهال تېره شپه د اوومې حوزې اړوند سیمه کې هم ۳ غله نیول شوي دي.

✒: ‏د کورنیو چارو وزارت د حکم پر بنسټ پاسوال عبدالکریم حسیب د مولوي عبدالحکیم حمدي پر ځای د پاسپورټ عمومي ریاست د نوي رئیس په توګه ټاکل شوی دی.

✒: ‏د ریاست الوزراء سیاسي مرستیال مولوي عبدالکبیر د یوناما له نوې مشرې روزا اوتنبایوا سره د لیدنې پر مهال په نیږدې راتلونکي کې د یوې لویې مشورتي شورا د رامنځته کېدو خبر ورکړی او ویلي یې دي، چې دمګړۍ د رهبرۍ شورا او د کابینې غونډه په لویو مسایلو کې د اسلامي امارت رهبرۍ ته مشورې ورکوي.

‏په دې لیدنه کې د یوناما نوې مشرې د نجونو د زده کړو او کار ته د مېرمنو په ورستنېدو ټینګار کړی دی.

✒: ‏د اطلاعاتو او کلتور وزارت په کندهار ولایت کې د احمدشاه بابا کور له سره سره رغوي.

د یاد وزارت سرپرست ملا خيرالله خيرخواه کندهار ته د سفر په ترڅ کې د احمدشاه بابا له کور څخه لیدنه کړې او ویلي یې، چې د اطلاعات او کلتور وزارت د دې کور د بیا رغونې لپاره پلان چمتو کړی.

✒: ‏‏د بهرنیو چارو وزارت مرستیال شېر محمد عباس ستانکزي د اقلیمي بدلون نړیوالې اوونۍ غونډه کې وویل، د افغانستان چاپېریال په خرابوالي کې د نړۍ هېوادونو ستر رول لوبولی، ځکه په وینا یې دلته "پخواني شوروي، ناټو او امریکا" وسلې کارولي او له نړۍ یې وغوښتل چې له افغانستان سره مرسته وکړي.

✒: ‏د ا.ا د بهرنیو چارو وزارت سرپرست امیر خان متقي په کابل کې د ملګرو ملتونو د سیاسي استازولۍ یوناما نوې مشرې روزا اوتونبایوا سره لیدلي دي.

‏د بهرنیو چارو وزارت وایي، د یوناما نوې مشرې ددې لیدنې پر مهال د حکومت روانې چارې ستایلې او ویلي یې دي، یوناما به خپله ټوله هڅه وکړي چې افغان فنډ بیا ژوندی کړي څو د باور وړ بانک پیدا کړي.

هغې زیاته کړې، داسې حساس مسایل هم شته چې په کار ده دواړه لوري پرې په ګډه کار وکړي.

‏په ورته مهال متقي ددې لیدنې پر مهال هیله څرګنده کړې چې یوناما د خپل مسوولیت په چوکاټ کې د افغانستان حقایق نړۍ ته ورسوي او دا به ډېره ګټه وکړي.

✒: ‏ملا عبدالسلام حنفی، معاون دوم رییس‌‌الوزرا در نشست هفتۀ تغییر اقلیم گفت که نبود بارنده‌گی‌ها در بخش‌های جنوب شرق، شمال و شمال غرب از اثر‌های بد تغییر اقلیم است که مردم کشور را با مشکلات‌ روبرو ساخته است.

✒: ‏د عامې روغتيا وزارت مرستيال ډاکټر محمد حسن غياثي وايي، د هوا د ککړتيا او تنفسي ناروغيو له امله هر کال ٢٢٨٧ کسان يوازې په کابل کې خپل ژوند له لاسه ورکوي.

✒: ‏د غزني د جاغوري ولسوالۍ اوسېدونکي وايي، د اوبو کمښت اړ کړي څو په خپلو مټو او مالي لګښت د اوبو د یوه بند جوړولو چارې پيل کړي. د اوبو دغه بند د غزني له مرکزه شاوخوا ۱۵۰ کیلومتره لرې د جاغوري د غجور سیمې په سنګ جوی لومان کلي کې جوړېږي چې تر دې مهاله یې ۲۰ سلنه چارې مخ ته تللې دي.

✒: ‏په کونړ ولايت کې د ۷ اعشاریه ۳ میلیونه افغانیو په لګښت د ځينو هغو دولتي ودانیو د ترمیم چارې پيل شوي، چې د تېرو جګړو له امله تخريب شوې دي. کورنیو چارو وزارت د تعميراتي چارو مرستیال الهام الدين عمري په دغه ولايت کې د تېرو جګړو له امله د تخریب شوو دولتي ودانیو د ترمیم چارې پیل شوې.

✒: ‏کندهار کې د ۱.۵ میلیونه ډالرو په ارزښت د وچې مېوې د پروسس فابريکه جوړه شوې ده. د دې فابریکې مسوولین وايي، د ورځې پنځه ټنه وچه مېوه د نړيوالو بازارونو د غوښتنې مطابق پروسس کوي. په دغه فابریکه کې ۲۰۰ کاریګر په بېلابېلو برخو کې کار کوي.

✒: ‏لغو 90 درصد سفر ‎گردشگران خارجی به ‎ایران.

رئیس انجمن صنفی دفاتر خدمات مسافرت هوایی و جهانگردی ایران از لغو حدود 90 درصد سفر گردشگران خارجی به این کشور خبر داد.

✒: ‏د کولمبيا په لويديځ کې د يوې ترافيکي پېښې له کبله لږ تر لږه ۳۵ تنو ته مرګ ژوبله اوښتې ده. دا پېښه پرون د کولمبيا د لويديځ کالي او بندري ښار توماکو پر لویه لاره شوې ده.

✒: ‏د چین ولسمشر وایي، له لسو کلونو راهيسې د چين د کورنيو توليداتو عمومي ارزښت له ۵۴۰۰۰ ميليارډو يوانو څخه ۱۱۴۰۰۰ ميليارډو يوانو ته زيات شوی دی.

✒: ‏تحریک طالبان پاکستان(TTP) د ملتان په یوه روغتون کې د سلګونو جسدونو موندل کیدل غندلي او دا یې د پاکستان د حکومت کار بللی. دا تحریک پخپله خپره کړې اعلاميه کې وایي چې د يادو کسانو جسدونه سلاخي شوي بیا یې غړي ترې ایستل شوي او پلورل شوي دي.

‏اعلاميه زیاتوي چې په زرګونو پښتانه او بلوڅان له کلونو راهيسې ورکیږي او بیا له داسې برخليک سره مخامخ کیږي.

اعلامیه کې هغه ګوندونه چې د داسې قضیو خلاف غږ نه اوچتوي  غندل شوي او ویل شوي چې TTP به د دې ډول اعمالو حساب له حکومت سره وکړي.