مهم ترین های امروز چهارشنبه

ترتیب کننده: هیلی افغان

✒: د ح‌اا د أمير دفتر؛ مطبوعاتي څانګه: د ح‌اا قدرمن أمير ښاغلي انجينير ګلبدين حکمتيار پرون سه شنبه د خپل کار په دفتر د ګاونډي هېواد پاکستان له ګڼ‌شمېر مشهورو چاپي، انځوريزو او غږيزو رسنيو له استازو سره وکتل.

په دغه مطبوعاتي ناسته کې قدرمن مشر د هېواد، سيمې او نړۍ د مهمو سياسي قضاياءو په رابطه د يادو رسنوالو پوښتنو ته هر اړخيز او مفصل ځوابونه ورکړل چې إن شاء الله په نږدې راتلونکي کې به يې د لا وضاحت او خبري پوښښ په پار تفصيلي لينکونه هم له درنو ليدونکو، اورېدونکو او لوستونکو سره شريک شي.

✒: ‏د پکتیکا ولایت په برمل ولسوالۍ کې چاودنه شوې ده.

ځايي سرچینې وايي، په دې چاودنه کې یو تن وژل شوی او لس نور ټپيان دي.

تر اوسه د چاودنې د څرنګوالي په اړه څه نه دي ویل شوي او نه هم کومې ډلې ددې چاودنې مسوولیت منلی دی.

✒: ‏اسلامي امارت د رسنیو هغه راپورونه رد کړل چې ګنې د جیش محمد ډلې مشر مسعود اظهر په افغانستان کې دی.

د ا.ا د بهرنیو چارو وزارت ویلي، چې پرته له شواهدو د داسې تورونو لګول په دوه اړخیزو اړیکو منفي اغېزلري.

اسلامي امارت یو ځل بیا ډاډ ورکړی چې افغان خاوره به د هیچا پر ضد نه کارول کیږي.

‏دا په داسې حال کې ده چې د پاکستان ځايي رسنیو راپور ورکړی چې اسلام اباد په یوه لیک کې له ا.ا غوښتي څو د «جیش محمد» ډلې مشر مسعود اظهر چې د دوی په باور په افغانستان کې دی، پیدا او ونیسي.

✒:‏کورنيو چارو وزارت د کابل ښار مهمو برخو کې د PTZ پرمختلليو امنيتي کامرو د نصب پروسه پيل کړې ده.

ویل کیږي، چې د دې کامرو په نصب کېدو سره به ښار کې د جرمونو ګراف لا ټيټ او د هېوادوالو امنیت به لا خوندي شي.

✒: ‏اسلامي امارت وايي، چې پاکستاني ځواکونو پرون د اصولو خلاف ډیورند کرښې ته نیږدې د پوستې د جوړولو هڅه کړې او اسلامي امارت ځواکونو غوښتل ددې موضوع په اړه له پاکستاني پوځیانو سره خبرې وکړي خو هغوی ورباندې ډزې کړې دي او تلفات رامنځ ته شوي دي.

‏د ا.ا د ویاند مرستیال بلال کریمي وايي، چې د دواړو خواوو چارواکي لاس په کار شوي څو کرښې ته نیږدې د تاسیساتو جوړولو او په راتلونکي کې د داسې پېښو د رامنځ ته کېدو مخه ونیسي.

✒: ‏راپورونه وايي، د غزني ولایت د زنه خان ولسوالۍ په ګوډلو کلي کې یوه مېرمن او څلور اولادونه يې لومړی وژل شوي او بیا څاه ته غورځول شوي دي.

ویل کیږي چې وروسته د ګازو یوه ډبه چې سر یې خلاص و، هم څاه ته د دې لپاره اچول شوې چې څوک یې د جسدونو د رااېستلو هڅه ونه کړي.

✒: ‏د ملا عبدالغني برادر په مشرۍ، د سوالګرو راټولولو کمېټې په کابل ښار کې له بېلابېلو سیمو ۵۹۱۴ سوالګر راټول کړي دي.

‏د ریاست‌الوزراء اقتصادي معاونیت وایي چې مستحقو سوالګرو ته د افغان سرې میاشتې ټولنې له لوري د نغدي پيسو د وېش لړۍ پيل شوې او بې سرپرسته سوالګر ماشومان به د کار او ټولنیزو چارو وزارت له لوري روزنتون کې شامل شي.

✒: ‏ذبیح الله مجاهد: جیش محمد د پاکستاني حکومت تر حمایت لاندې ډله ده او په خپل هیواد کې اوسیدلی شي. په افغانستان کې یې شتون واقعیت نه لري.

✒: ‏فرید بشارت ورزشکار مبارزات آزاد کشور موفق شد "آلان بیگوسو " از برازیل را پس از سه روند مبارزه، با تفاوت امتیاز شکست بدهد و به عنوان چهارمین ورزشکار افغان قرارداد سازمان بزرگ "یو اف سی" را بدست بياورد.

بشارت متولد افغانستان است و در حال حاضر در انگلستان زنده گی می کند.

✒: ‏د افغانستان برېښنا شرکت وايي، چې د روانې میاشتې تر پایه به د ازبکستان هېواد ټول پورونه ادا شي او له یاد هېواد سره به د برېښنا واردولو نوی تړون لاسلیک کړي.

✒: ‏د افغانستان د اوسپنې پټلۍ مشر بخت الرحمن شرافت وايي، له چین څخه د افغانستان لومړۍ سوداګریزه محموله باریږي. شرافت ویلي چې دغه سوداګریز کارګو چې له چین څخه بارېږي ډېر ژر به قرغزستان او له هغه ځایه د ازبکستان د اوش د اورګاډي تم ځای او بیا د افغانستان د حیرتان بندر ته ورسېږي.

✒: ‏د بغلان په فرینګ او مرکزي بغلان ولسوالیو کې د ۴۱ میلیون افغانیو په لګښت دوه د څښاک اوبو رسونې او درې د استنادي دېوالونو د جوړېدو کار پیل شو.

✒: ‏منابع محلی در تخار می‌گویند، درگیری بر سر زمین میان مردم و کوچی‌ها در ولسوالی خواجه بهاءالدین این ولایت، چهار زخمی برجا گذاشته‌است.

✒: ‏د اقتصاد وزارت مرستیال «د چین او پاکستان اقتصادي دهلیز او د افغانستان پر اقتصادي ودې یې اغېز» تر عنوان لاندې یوې غونډې ته وویل، امن او باثباته افغانستان به د سیمې ټولو هېوادونو د اقتصادي پراختیا او سوکالۍ لامل شي.

✒: ‏د افغانستان سرپرست حکومت، د امریکا له خوا د افغانستان د کنګل شوې شتمنۍ ساتلو او لګولو لپاره د صندوق جوړولو په غبرګون کې ويلي چې ټوله کنګل شوې شتمني باید له قید او شرط پرته راخوشې شي.

✒: ‏یوناما میگوید که در مورد ادعاهای اخیر راجع به نقض جدی حقوق بشر در پنجشیر و جاهای دیگر به شدت نگران هستند.

✒: ‏امریکا: روسیې د یو شمېر هېوادونو په سیاسي پریکړو کې د ګډوډۍ جوړولو لپاره ځېنو سیاسیونو ته ۳۰۰ میلیونه ډالر ورکړي.

✒: ‏کرمه ایجنسۍ ـ خرلاچۍ:

وسله واله نښته کې ۳ پاکستاني عسکر وژل شوي.

د پاکستان پوځ او خارجه وزارت له پېښې وروسته پر طالبانو غږ کړی چې افغان خاوره زموږ پر صد کارېدو ته مه پرېږدئ.

✒: ‏د روغتیا نړیوال سازمان:

سږ کال افغانستان کې د پولیو یوازې یوه پېښه ثبت شوې او ۹ میلیونه ماشومان واکسین شوي.

✒: ‏ټایمرز نیوز: سمرقند کې به د شانګهای راروان کنفرانس کې افغانستان او اوکراین د بحث مهمه موضوع وي.

✒: ‏د روسيې خارجه وزیر کابل ته:

د همه شموله حکومت د تشکیل کومې وعدې مو چې کړې وې، عملي یې کړئ.

وایيے داسې حکومت چې د ټولو قومونو او سیاسي جریانونو ګټې خوندي کړي.

✒: ‏د افغانستان ثبات د ټولې سیمې د دایمي پرمختګ لپاره مهم دی. د ازبیکستان ولسمشر شوکت میرضیایف چې د شانګهای سازمان د کنفرانس دوره يي مشرتوب هم کوي وایي چې د افغانستان د ثبات لپاره باید پراخه هڅه وشي.

✒: ‏د پاکستان د اسعارو په بازار کې یو ډالر په ۲۳۲ کلدارو تبادله کیږي. سوداکر وایي په ازاد بازار کې یو ډالر په ۲۴۰ کلدارو خرڅیږي. په پاکستان کې د روانې مياشتې له لومړۍ نېټې راهیسې کلداره د ډالر په مقابل کې په پرله پسې توګه بې قدره کيږي.

✒: ‏په سي پیک پروژه کې د افغانستان شریکول به د سیمې د پراختیا سبب شي. نړیوالو رسنیو د پاکستاني چارواکو له قوله ویلي چې د چین او پاکستان په اقتصادي دهلیز کې د افغانستان ګډول به ددغه پروژې د اغېزمنتیا لپاره خورا ګټور ګام وي.

✒: ‏د پاکستان د بهرنیو چارو وزیر بلاول بوټو او همدا راز ددې هېواد پوځ د جلا جلا اعلامیو په خپرولو سره له اسلامي امارت غوښتي، چې ترهګر د افغانستان له خاورې پر پاکستان له بریدونو راوګرځوي.

‏دا اعلامیې وروسته له هغې خپرې شوې چې د پاکستان پوځ ادعا وکړه چې وسله والو د ډیورند کرښې ته څېرمه په کرمه ایجنسۍ کې د افغانستان له خاورې پر پاکستاني ځواکونو ډزې کړې او درې پوځیان یې وژلي دي.

✒: ‏د ارمنستان دفاع وزیر وایي چې اذرباییجان نن سهار د دې هیواد په پوله ساتو ځواکونو باندې د توپونو او هاوانونو ډزې کړي.

دا په داسې حال کې ده چې د ارمنستان او اذرباییجان ترمنځ شخړه پرون د اذرباییجاني ځواکونو لخوا د ۴۹ ارمنستاني پوله ساتو تر وژل کیدو یو ځل بیا شدیده شوې ده.

✒: ‏د چین ولسمشر تر کرونا ویروس وروسته نن د لومړي ځل لپاره له دې هیواده بهر ته او د شانگهای همکاریو سازمان سرمشریزه کې د گډون لپاره سفر کوي. دی لومړی قزاقستان او بیا ازبکستان ته ځي او هلته د روسیې ولسمشر ولادمیر پوتین او د ایران ولسمشر ابراهیم رئیسي سره هم گوري.

✒: ‏د پاکستان ځايي رسنۍ وايي چې اسلام اباد په یوه لیک کې له ا.ا څخه غوښتي څو د «جیش محمد» ډلې مشر مسعود اظهر چې د دوی په باور په افغانستان کې دی، پیدا او ونیسي.

 مسعود اظهر په نړیواله سطح په ترهګریزو فعالیتونو تورن دی.

✒: ‏امریکا د افغانستان د کنګل شویو شتمنیو د ۳.۵ میلیارده ډالرو د ساتلو او مصرفولو لپاره د « افغان فنډ » په نوم ځانګړی صندوق اعلان کړ.

د امریکا د بهرنیو چارو وزارت ویلي، دا صندوق د امریکا او سویس حکومتونو او د یو شمېر افغان اقتصادي کارپوهانو لخوا جوړ شوی دی.

‏امریکا ویلي، په دې صندوق کې د ساتل شویو شتمنیو د لګولو واک به له یوه تضمین کوونکي بورډ سره وي چې د امریکا او سویس حکومتونو یو یو استازی او همدا راز دوه افغان اقتصادي کارپوهان ددې بورډ په ترکیب کې شامل دي. ‌

‏متحدو ایالتونو ویلي، په دې صندوق کې ساتل شوې شتمني به د عامو افغانانو د خیر ښېګڼې او د افغان دولت د نړیوالو پورونو پرې کولو په برخو کې مصرفیږي خو طالبان به ورته مستقیما لاسرسی ونه لري.

✒: ‏کریملین وایي چې د روسیې ولسمشر ولادیمیر پوتین به د چین له ولسمشر شي جینپینگ سره په ازبکستان کې د یوکراین او نورو مسائیلو په اړه خبرې وکړي.

‏کریملین وایي چې ولادیمیر پوتین به سمرقند ته په خپل سفر کې د ایران، هند، پاکستان او ترکیې له ولسمشرانو سره هم وگوري خو زیاتوي چې له شي جینپینگ سره یې  ناسته خاص اهمیت لري.

✒: ‏د امریکا د خزانه دارۍ وزارت ویلي چې د افغانستان بانک نیمه کنگل شوې شتمني به د امریکا د حکومت د یوه استازي، د سویس د یو چارواکي او د دوو افغان کارپوهانو تر نظر لاندې  د بشري وضعیت د ښه کیدو او د برق بل او نورو پورونو د ورکولو لپاره په مصرف ورسیږي.