اوميګا پرو ، او د اسانه ګټي تلوسه او هوس

دوکتور عمر عماد

ما پروسږ کال د اوميګا پرو په هکله يوه ليکنه کړي وه چه ، زه د اوميګا پرو په هکله دومره معلومات نه لرم چه د روا او يا ناروا حکم پري وکړم.

خو په ټوله کي هغه کاروبار چه غربي ريښه لري د شبهي نه خالي نه دي .

هغه څه چه په اوميګا پرو کي معامله د شرعي اړخه د سوال لاندي راولي هغه عموما ما ته دوه موضوعات ښکاري ، اوله دا چه ځما د معلوماتو له مخي دغه شرکت کوم حکومتي اجازه نه لري او نه يي داسي کوم ثابت حقوقي مرجع شته چه ددعوی او اختلاف په حالت کي هغي ته مراجعه وشي .

دوهمه دا چه : د مضاربت يو مهم شرط دا دي چه د کاروبار مجال به يي روا وي ، او فکر نه کووم چه ددي شرکت کوم افغان ګډونوال ته معلوم وي چه ايا هغه حلال دي او که حرام.....

نن سبا د اوميګا پرو دلالانو دا موضوع بيا ګرمه کړي ده . او ددوي دوه کسانو راته وويل چه د اوميګا پرو دفعاليت او کاروبار ساحه (فاريکس) دي چه په عربي کي ( التجارة في العملات) ورته وايي.

 که رښتيا هم همداسي وي لکه دوي چه ويلي دي ، نو دغه خبر داري راته اړين ښکاره شو:

په جده کي د اسلامي فقهي نړيوالي ټولني چه د اسلامي همکارئ دهيوادونو يوه څانکه او د امت په کچه د عصري مسائلو د احکامو مهم مصدر دي ، څو کاله وړاندي په فاريکس کي د تعامل د‌عدم جواز پريکړه کړي ده. همدا راز د مصر دار الافتاء يي هم د عدم جواز فتوی ورکړي ده .

اوس نو د هر چا خپل کار ، چه ګډون پکي کوي او که نه .