حکمتيار: باید اعتراف کنم که سلطه گرى غرب ممکن است به پایان برسد

متن خطبه مشر معزز (جمعه 27 حوت 1400)

الحمد للّٰهِ و كفى و سلام على عباده الذين اصطفى و بعد: فاعوذ باللهِ من الشيطن الرجيم بِسۡمِ اللهِ ٱلرَّحۡمَٰنِ ٱلرَّحِيمِ

(فَهَلْ عَسَيْتُمْ إِنْ تَوَلَّيْتُمْ أَنْ تُفْسِدُوا فِي الأَرْضِ وَتُقَطِّعُوا أَرْحَامَكُمْ) محمد 22 صدق الله العظيم

نو آيا دې ته نږدې يئ چي كه (د چارو) متولي شئ په زمكي كي به فسادونه كوئ او د خپلوۍ اړيكي به شلوئ؟!

وروڼو خوېندو!

هر فكري او سياسي نهضت او خوځښت د خاصو اهدافو او آرمانونو د تحقق لپاره رامنځته كېږي؛ د مبارزې دوه مرحلې لري: تر بريا وړاندي د مبارزې مرحله او له بريا وروسته پړاو.

پر دښمن تر بريا وروسته پړاو كي د هري ډلي موفقيت په بشپړه توگه په دې پوري تړلى دئ چي تر بريا وړاندي ئې د غړو فكري، عملي او اخلاقي وضعيت څنگه وو؛ آيا توانېدلى ښه او صالح غړي وروزي، كه نه؛ كه په دې مرحله كي موفق وو نو له بريا وروسته پړاو كي به هم موفق وي؛ او كه ناكام وو نو له هغه وروسته به سخت ناكام وي چي اقتدار په لاس ورشي.

د خطبې په سر كي د تلاوت شوي آيت لارښوونه همدا ده: چي فرمايي:

نو آيا دې ته نږدې يئ چي كه (د چارو) متولي شئ په زمكي كي به فسادونه كوئ او د خپلوۍ اړيكي به شلوئ؟!

·     د تولى صيغه كله د شا اړولو او اعراض په معنى راځي او كله د ولايت، او د چارو سمبالونو په معنى؛ مضمون ته پام سره د دې صيغې معنى جوته كېږي، دلته په مخكينيو آيتونو كي د هغو منافقينو په اړه بحث شوى چي د جهاد تر فرض كېدو وړاندي ئې ويل: ولي دا اجازه نه راكول كېږي چي د دښمن په خلاف وسلې ته لاس كړو! خو كله چي جهاد فرض كړى شو د دوى د دروغجنو ادعاءگانو حقيقت جوت شو، سنگر ته تگ ئې داسي گڼلو لكه د مرگ كومي ته تگ!! په همدې ارتباط دلته ويل شوي چي كه تاسو له جهاد پرته له كومي بلي لنډي لاري قدرت ترلاسه كړئ او د خلكو د چارو متولي شئ نو له دې پرته بله هيله نشي كېدى چي په زمكي كي به فسادونه كوئ او د خپلوۍ اړيكي به شلوئ؟! يعني چا چي د سنگر سختي ورځي نه وي ليدلې، د مبارزې په لوړو ژورو او كږلېچونو كي نه وي روزل شوى، د بريا ډالۍ ئې وړيا په برخه شوې وي؛ د ستونزو او كړاوونو له گاللو پرته؛ له لنډي لاري او په آسانۍ سره قدرت ته رسېدلى او د خلكو د چارو متولي شوى وي؛ تاريخي تجربو ښودلې چي داسي خلك له يوې خوا مفسد واكمنان جوړ شوي او له بلي خوا قسي القلب او بې رحم چارواكي، نه ئې د مبارزې لاسته راوړنو ته څه ارزښت او اهميت وركړى او د هغوى ساتني ته ئې اعتناء كړې، نه ئې له اقتدار او صلاحيتونو د استفادې په څرنگوالي كي احتياط او دقت كړى او نه ئې خلكو ته اهميت وركړى او د زړه سوي او ترحم له مخي ئې له هغوى سره چلن كړى.

·     الله تعالى د دې مبارك آيت په ترڅ كي لارښوونه كوي چي له هغه چا د يوه صالح چارواكي او د خلكو د چارو د زړه سواند متولي طمع نشي كېدى چي د جهاد په لوړو ژورو كي نه وي روزل شوى، هغه طبيعي پړاوونه ئې نه وي پلي كړي چي يو نهضت ئې بري ته د رسېدو په لار كي بايد پلي كړي، د مبارزې ستونزي ئې نه وي گاللې، د پېښو په ترڅ كي نه وي تربيه شوى او ضروري تجارب ئې نه وي كسب كړي؛ نه شي كولى د يوه صالح او زړه سواند واكمن په توگه عمل وكړي، دا آسان دئ چي سياسي قدرت له يوه لاس بل ته انتقال شي؛ خو د يوه نهضت د مبارزې سخت او ستونزمن پړاو هغه مهال پيل كېږي چي قدرت ترلاسه كړي؛ كه د خپلو اهدافو د پلي كولو لپاره مستعد او روزل شوي غړي ونه لري، د مستعدو او صالح افرادو د روزلو اصلي او اساسي مرحله تر انقلاب او بري وړاندي مرحله ده، كه په دغي مرحلې كي ونه توانېدو صالح، آرمانونو ته متعهد او اصولو ته ملتزِم افراد وروزي؛ له بري وروسته كه څه هم وسائل او ذرائع تر وړاندي زيات او امكانات پراخ شي؛ خو د ټولني د اصلاح او رغوني كار د هغو بنسټونو او شخصيتونو له لاري تر سره كېږي چي تر انقلاب وړاندي تعبيه شوي، له دې پرته كه د ټولني اصلاح او رغونه محال نه وي نو يقيناً چي گران كار دئ.

قرآن كريم په دې اړه فرمايي:

وَمِنَ ٱلنَّاسِ مَن يُعۡجِبُكَ قَوۡلُهُۥ فِي ٱلۡحَيَوٰةِ ٱلدُّنۡيَا وَيُشۡهِدُ ٱللَّهَ عَلَىٰ مَا فِي قَلۡبِهِۦ وَهُوَ أَلَدُّ ٱلۡخِصَامِ ٢٠٤ وَإِذَا تَوَلَّىٰ سَعَىٰ فِي ٱلۡأَرۡضِ لِيُفۡسِدَ فِيهَا وَيُهۡلِكَ ٱلۡحَرۡثَ وَٱلنَّسۡلَۚ وَٱللَّهُ لَا يُحِبُّ ٱلۡفَسَادَ ٢٠٥ وَإِذَا قِيلَ لَهُ ٱتَّقِ ٱللَّهَ أَخَذَتۡهُ ٱلۡعِزَّةُ بِٱلۡإِثۡمِۚ فَحَسۡبُهُۥ جَهَنَّمُۖ وَلَبِئۡسَ ٱلۡمِهَادُ ٢٠٦ البقره: 204-206

او له خلكو ځيني داسي دي چي د دنيا په اړه د ده وينا دي حيرانوي او په هغه څه الله شاهد نيسي چي په زړه كي ئې دي، په داسي حال كي چي دى ترټولو كلك دښمن دئ. خو كله چي متولي شي نو په زمكه كي د دې هڅه كوي چي فساد په كي خور كړي او فصل او نسل تباه كړي او الله خو فساد نه خوښوي. او چي ورته وويل شي: له خدايه ووېرېږه! عزت النفس ئې گناه ته وپاروي، نو جهنم ورته كافي دئ او څومره بد ټاټوبى!

دلته د منافقينو هغه ډله معرفي شوې چي ظاهر ئې د دوست، وينا ئې حيرانوونكې، د دنيوي چارو په اړه وينا ئې ډېره جالبه او جاذبه، خو په حقيقت كي تر بل هر دښمن خطرناك او كينه كښ، له مسلمانانو سره د مخامخ كېدو په وخت كي ځان د دوى له ډلي ښيي، قسمونه خوري چي په زړه كي ئې پوخ ايمان دئ او له مسلمانانو سره كلكه مينه، خو كله چي قدرت په لاس ورشي او د خلكو د چارو متولي شي، نو بيا ئې ټوله هڅه دا وي چي فساد خور كړي، د جگړو اور ته لمن ووهي، كافران پر مسلمانانو بريد ته وهڅوي او د وينو تويولو او د فصلونو د تباهۍ باعث شي، دوى الله د خپل زړه په حال شاهد نيسي حال دا چي د دوى زړونه له فساد ډك دي او الله فساد نه خوښوي.

كله چي د دوى پر كړنو انتقاد وشي او دا ورته وويل شي چي له گناه لاس واخله او له الله تعالى ووېرېږه، نو دا انتقاد پر خپل عزت تېرى گڼي، له خپلي گناه دفاع كوي او مزيد گناهونو ته هڅول كېږي.

له دې مبارك آيت معلومېږي چي د نصيحت په مقابل كي حساسيت ښودل او سالم انتقاد په خپل عزت تېرى گڼل د نفاق نښه ده.

دوى ځان ته مصلح وايي خو په حقيقت كي مفسدين دي، لكه چي قرآن فرمايي:

وَإِذَا قِيلَ لَهُمۡ لَا تُفۡسِدُواْ فِي ٱلۡأَرۡضِ قَالُوٓاْ إِنَّمَا نَحۡنُ مُصۡلِحُونَ ١١ أَلَآ إِنَّهُمۡ هُمُ ٱلۡمُفۡسِدُونَ وَلَٰكِن لَّا يَشۡعُرُونَ ١٢ البقره: 11 ـ 12

او كله چي ورته وويل شي: په زمكي كي فساد او تباهي مه كوئ، وايي: موږ خو په يقين سره مصلحين يو. پام چي همدا دوى مفسدين دي خو نه پوهېږي.

د صالح افرادو د روزلو په اړه د قرآن لارښوونه دا ده چي انسان يوازي په هغه صورت كي د نېكانو او صالحانو سعادت او لقب تر لاسه كولى شي چي د خپل ژوند د غوره شيانو قربانۍ ته چمتو كړى شي؛ لكه چي فرمايي:

(لَنْ تَنَالُوا الْبِرَّ حَتَّى تُنْفِقُوا مِمَّا تُحِبُّونَ وَمَا تُنْفِقُوا مِنْ شَيْءٍ فَإِنَّ الله بِهِ عَلِيمٌ) آل عمران 92

هيڅكله به ښېگڼي ته ونه رسئ تر هغه چي له خپلو محبوبو شيانو څه انفاق نه كړئ او څه چي انفاق كوئ نو الله پرې ښه پوه دئ.

يعني د ابرارو او نېكانو مقام ته هغه وخت رسېدى شئ چي قربانۍ ته چمتو شئ، د عادي او معمولي شيانو قرباني نه؛ بلكي د هغو شيانو قرباني چي تاسي ورسره مينه لرئ؛ او چي څه هم د الله په لار كي قرباني كړئ، ښه يا ناښه، لږ يا زيات، ستاسو د خوښي غوره شىء يا هغه چي نه مو خوښېږي؛ الله پرې پوهېږي.

كه يوه سياسي او فكري ډله وتوانېده چي خپل غړي قربانۍ ته چمتو كړي، داسي چي هدف او آرمان ته پر هر څه ترجيح وركړي، د تحقق لپاره ئې د هر څه قرباني كولو ته چمتو وي؛ خپل مال، وخت، امكانات، حتى خپلي ويني او سر قرباني كوي؛ همدا ډله به هغه مهال بريالۍ او موفقه وي چي اقتدار تر لاسه كړي؛ په دې شرط چي اقتدار هغه روزل شوو، صالح او آرمانونو ته ژمنو افرادو ته وسپارل شي چي په سختو شپو ورځو كي ئې امتحان وركړى او په مخكينو آزموينو كي بريالي شوي؛ په دې كي يوازي ايمان، عمل، تعهد او ژمنتيا معيار وگڼي؛ نه نسبي خپلوي، قومي او قبيلوي اړيكي او شخصي ملگرتيا. پيغمير عليه السلام فرمايي:

چا چي پر مسلمانانو داسي څوك وگمارلو چي تر ده غوره، افضل او اعلم كس په مسلمانانو كي موجود وي؛ نو يقيناً چي ده له خداى، پيغمبر او ټولو مسلمانانو سره خيانت كړى.

عن ابنِ عباسٍ رضي الله عنهما عن رسولِ اللهِ صلى الله عليه وسلم قال: "مَنِ استَعمَلَ عامِلًا مِنَ المُسلِمينَ وهو يَعلَمُ أن فيهِم أولَى بذَلِكَ مِنه وأعلَمَ بكِتابِ اللهِ وسُنَّةِ نَبيِّه فقَد خانَ الله ورسولَه وجَميعَ المُسلِمينَ"

له ابن عباس رضي الله عنهما روايت دئ چي رسول الله صلى الله عليه و سلم وفرمايل: چا چي له مسلمانانو كوم عامل او آمر توظيف كړ؛ په داسي حال كي چي پوهېږي په دوى كي بل داسي كس شته چي د دې كار لپاره تر ده غوره او د الله په كتاب او د پيغمبر په سنت؛ زيات پوه وي؛ يقيناً چي له الله، د ده له رسول او له ټولو مسلمانانو سره ئې خيانت كړى.

عَنِ ابْنِ عَبَّاسٍ قَالَ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ «مَنِ اسْتَعْمَلَ عَامِلًا عَلَى قَوْمٍ وَفِي تِلْكَ الْعِصَابَةِ مَنْ هُو أَرْضَى لِلَّهِ مِنْهُ فَقَدْ خَانَ الله وَخَانَ رَسُولَه وَخَانَ جَمِيعَ الْمُسْلِمِينَ».

له ابن عباس رضي الله عنهما روايت دئ چي رسول الله صلى الله عليه و سلم وفرمايل: چا چي كوم عامل او آمر پر يوه قوم مأمور او توظيف كړ؛ په داسي حال كي چي په دې ولس كي تر ده بل څوك؛ الله تعالى ته زيات محبوب او مقبول شخص وي؛ يقيناً چي له الله سره ئې خيانت كړى، د ده له رسول سره ئې خيانت كړى او له ټولو مسلمانانو سره ئې خيانت كړى.

قال عمرُ بنِ الخَطَّاب رضي الله عنه: مَن استعمل رجلاً لِمودَّةٍ أو لِقَرابةٍ لا يستعملُهُ إلا لذلك فقد خان اللهَ ورسولَه والمؤمنين.

عمر رضي الله عنه فرمايلي: چا چي كوم سړى د دوستي له كبله، يا د خپلوي له كبله توظيف كړ؛ نه ئې گماري مگر له همدې كبله؛ يقيناً چي له الله، د ده له رسول او له ټولو مسلمانانو سره ئې خيانت كړى.

وروڼو خوېندو!

إمارت اسلامي له هغو شخصيتونو سره د ارتباط لپاره يو دروند هيئت ټاكلى چي له نظام سره د مخالفت له كبله بهر ته تللي؛ موږ په داسي حال كي چي د دې تصميم قدرونه او حمايت كوو؛ څو مشورې لرو:

·     دا كار بايد د بهرنيو له هر راز وساطت پرته تر سره شي؛ دا يوه كورنۍ موضوع ده په خپله ئې بايد حل كړو؛ بهرنيو ته په دې اړه بايد د څه ويلو، څه كولو او د شرائطو وضع كولو مجال او حق ورنه كړى شي. بهرنيان خپل اغراض لري؛ هدف ئې زموږ خير نه بلكي خپلي گټي دي.

·     ټول هغه شخصيتونه بايد احتوى كړي چي سوله غواړي او مخكني حالت ته د هېواد ستنېدل نه خوښوي.

·     ټولو ته بايد دا ډاډ او اطمئنان وركړى شي چي دا بلنه نه د تسليمېدو په معنى ده او نه د يوه لوري د تلپاتي واكمنۍ منلو په معنى؛ بلكي د وروڼو په څېر په گډ هېواد كي په برابره توگه د اوسېدو لپاره ده. نظام او څرنگوالى به ئې د ملت په خوښته او د افغان ولس د ديني او ملي ارزښتونو په رڼا كي ټاكل كېږي.

·     هغه بايد ترې مستثنى شي چي په جنگي جنايتونو، اختلاس، غصب، لوټمار، د شخصي او ملي شتمنيو غارت تورن دي؛ هغوى بايد شرعي او قانوني محاسبې ته چمتو وي او غارت شوې شخصي او ملي شتمنۍ مسترد كړي.

برادران و خواهران عزيز!

شكست ناتو در افغانستان، موضع نهايت ضعيف و مبتنى بر ترس از روسيه، و عقب ماندن غرب در خيلى از بخش هاى ديگر اقتصادى، سياسى و نظامى؛ موجبات نگرانى غرب و غربگرا ها را فراهم كرده؛ و همه آينده غرب و هژمونى و سلطه گرى هايش را در حال فروپاشى تلقى مى كنند؛ در همين راستا؛ رئيس جمهور فرانسته مكرون؛ در يكى از جلسات مهم و خاص؛ سخنرانى مبسوطى داشته كه به دست رسانه ها افتاده؛ اعترافات عجيب و باور نكردنى او؛ مايه حيرت و تعجب خيلى ها بوده؛ نكات مهم سخنرانى او اين ها اند:  

1- او آهی کشید و گفت: هژمونی (سلطه گرى) غرب رو به پایان است!

2- بله؛ نظم بین‌المللی به شیوه‌ای کاملاً جدید در حال تغییر است و من مطمئن هستم که این تحول بزرگی در تاریخ ما است و تقریباً در همه مناطق پیامدهای گسترده‌ای دارد.

3- بله، باید اعتراف کنم که سلطه گرى غرب ممکن است به پایان برسد.

4- ما از قرن 18 به نظم بین المللی مبتنی بر هِژِمونی و سلطه گرى غرب عادت کرده ایم.

5- فرانسه الهام گرفته از جنبش روشنفكرى قرن هجدهم، بریتانیای قرن نوزدهمی که زاده انقلاب صنعتی است و امريكا كه از قرن بیستم و از دو جنگ جهانی برخاسته است. فرانسه، انگلستان و امريكا 300 سال است که غرب را بزرگ کرده اند.

6- ما به این عظمت و سلطه گرى عادت کرده ایم که به ما تسلط مطلق بر اقتصاد و سیاست جهانی را می دهد.

7- اما همه چیز در حال تغییر است.

8- سیاست های غلط رهبران امريكایی همگی اشتباهات اساسی است که سلطه گرى غرب را متزلزل می کند.

9- از سوی دیگر؛ ما ظهور قدرت های نوظهور را بسیار دست کم گرفته ایم. نه فقط دو سال پیش؛ بلکه ده یا بیست سال پیش. ما از اول آنها را دست کم گرفتیم! زمانی که این ملت های نوظهور فرهنگ ملی خود را بیابند و به آن ایمان بیاورند، به تدریج از شر «فرهنگ فلسفی» که سلطه گرى غرب در گذشته به آنها القا کرده است؛ خلاص می شوند.

 10- و این آغاز پایان سلطه گرى غرب است! پایان سلطه گرى غرب؛ در افول اقتصادی نیست، و نه در افول نظامی است، بلکه در افول فرهنگی است. وقتی دیگر نمی توان ارزش های شما را به کشورهای نوظهور صادر کرد، این آغاز زوال شماست.

11- ایالات متحده باید با روسیه و اروپا مقابله کند، اما آیا اروپا به آن نیاز دارد؟

12- اروپا برای بیرون راندن روسیه با ایالات متحده همکاری می کند که ممکن است بزرگترین اشتباه ژئوپلیتیک اروپا در قرن بیست و یکم باشد.

13-آیا دشمن دوست ما لزوماً دشمن ماست؟ روسیه دشمن امريكاست؛ پس آيا باید دشمن اروپا هم باشد؟

و در اخير سخنرانى اش مى گويد:

13- تمدن محو می شود، اروپا محو می شود و لحظه سلطه گرى غرب با آن محو می شود.

14- در نهایت، جهان حول دو قطب امريكا و چین خواهد چرخید و اروپا باید بین این دو حاکم یکی را انتخاب کند.

15- فرانسه ادغام بهتر جاده ابریشم جدید چین با استراتژی اتصال اروپا را ترویج خواهد کرد، اما این ادغام باید با احترام به حاکمیت و قوانین ما انجام شود. (يعنى كه فرانسه تصميم قطعى اش را گرفته؛ و در بخش تجارتى انتخابش چين است).

 16- اما زمان آن فرا رسیده است که با تکیه بر منابع مالی اروپا و ارتش های اروپایی، یک ابتکار با حاکمیت های دفاع ملی بیشتری ایجاد کنیم. (يعنى كه ديگر تكيه و اعتماد بر ناتوى زير سلطه امريكا؛ نيز از ميان رفته و خواهان ارتش بديل؛ ارتش اروپايى است).

17- کنترول سرنوشت خود اروپایی ها را در دست بگیرید و کنترول را به مردم ما بازگردانید. (يعنى انحلال ناتو و عدم تكيه بر حمايت هاى نظامى امريكا)

از اين حرف ها و اعترافات كاملاً نمايان است كه دوران قلدرى غرب و در رأسش امريكا در حال پايان يافتن است؛ كشورى چون فرانسه نيز خواهان اردوى مستقل و جانشين ناتو؛ و اعمال سياست هاى مستقل در رابطه به روسيه و چين است و نه سياست هاى ديكته شده از واشنگتن.

سُبْحَانَكَ اللهُمَّ بِحَمْدِكَ نَشْهَدُ أَنْ لَا إِلَهَ إِلَّا أَنْتَ، نَسْتَغْفِرُكَ وَنَتُوبُ إِلَيْكَ