حکمتيار: رسنيو كي د گنده او مبتذل اسلام ضد پروگرامونو خپرېدا د طالبانو ديني حيثيت ته صدمه رسوي
همدا راز په تصويري رسنيو كي د گنده او مبتذل اسلام ضد سريالونو او پروگرامونو خپرېدا د طالبانو اسلامي او ديني حيثيت ته صدمه رسوي او اسلام پال افغانان له دوى بېلوي؛ او د الله تعالى له تأييد ئې محروموي.
د مخكنيو حكومتونو او ملت تر منځ د ژور واټن او له همدې كبله د حكومت حمايت نه كول او له مخالفينو سره ئې خواخوږي ښودل؛ د همدغو رسنيو مبتذل او اسلام ضد تبليغات، گنده او منحط سريالونه او منحط پروگرامونه وو. هره ورځ به نږدې درې سوه افغانان په وينو كي رغړېدل؛ خو په رسنيو كي د وير او ماتم پر ځاى؛ گنده سندري، مسته موسيقي، گډه نڅا او بربنډ سريالونه ښودل كېدل؛ د دغو صحنو په ليدو سره د ملت خداى پال او اسلام ته ژمن افغانان د دولت له حمايت لاس اخيستلو او له مجاهدينو سره يو ځاى كېدو ته هڅېدل.
تبصره / نظر
نظرات / تبصري
د همدې برخي څخه
شریک کړئ
زمونږ فيسبوک
