د دولت د عالی شورا د تشکیل په ځای، راځی د ملت د واقعی استازو یوه شورا جوړه کړئ

زلمی زابلي

په افغانستان کی دا دیرش کاله همدغه یو څو‌دگوتو په شمیر سیاسیون دی چه په سیاسی ډگر کی   لوبیږی ، ددی مشرانو څخه دافغانستان عام ولس په اوسنیو حساس شرایطو کی غواړی چه:

دخدای ج په لحاظ داوطن او ولس نور ستاسو د بی اتفاقۍ او قدرت غوښتنۍ مه قربانی کوئ ، نور متحد سی، چه ملت مو ملاتړ وکړی ،

یوه روښانه او ملی بهرنۍ  پالیسی د حکومت سره جوړه کړئ ، چه ملت او همسایه هیوادونه او نړیوال  پوهه سی چه دولت څه غواړی ، موږ تر اوسه هیڅ بهرنۍ ټاکلی پالیسی نلرو

ددولت دعالی شورا د تشکیل په ځای ، راځی د ملت د واقعی استازو یوه شورا جوړه کړئ چه مشوره یی دملت ملاتړ لری ، او دولت ته مشروعیت ورکوی

داڅنگه سیاسیون دی؟ چه په فاریاب کی ملت او حکومت  ، یوبل ته دجنگ اخطارونه ورکوی خو یوه سیاسی رهبر ددوستم‌او حکومت په منځ کی د منځگړیتوب یوه خبره  هم ونکړه ؟؟

جناب داکتر صاحب عبدالله او دسولی عالی شورا یوه اعلامیه ورکړه نور آرام ناست دی ، ؟

نور سیاسی مشران ددولت دعالی شورا دغړیتوب لپاره سره په جنگ او چنه وهلو مصروف دی

په دیرشو ولایتونو کی عملا جگړه روانه ده ، خو په گمرکونو کی هره ورځ  لس میلیونه ډالر غلا کیږی ایا افغانان دداسی جګړی دتداوم لپاره تر کومه وخت ‌د مقاومت  توان لری؟؟؟

جگړه مالی لګښت، نظامی تجهیزات مهمات  او بشری سرچینی ته اشد اړتیا لری چه دا جګړه ځپلی ، غریب هیواد نور د جگړی یوه ورځ تحمل نلری

که د مشرانو خپل اولادونه په لمړی لیکه کی اوسیدلای اوس به جګړه   ډیره مخکی ختمه سوی وه.