عليپور د معاون دوهم په وساطت خپله سرکشي کوي
علیپور، قیصاري او د همداسې نورو شورشګرانو او باغیانو تُمنه اوسني حکومت اچولې ځکه د باغیانو مخه د اساسي قانون په تطبیق او عملي کولو نیول کېږي کله چې حکومت پخپله د اساسي قانون په نقض رامنځ ته شوی وي هغه به څه قانون پلی کړي او څه به داسې خونخوارې مسئلې حل کړي؟
دوستم کال ۲۰۱۵ کې د ایشچي مامله وکړه، نن د ارګ له ټولو نږدې یار دی، نه قانون پلی شو او نه هم مجازات شو. قیصاري د دولت په مقابل کې ودرېد، څو میاشتې وروسته حکومت وسلې ورکولې او د یو دروند ملمه په شان یې کانټینینټل هوټل کې دېره کړی وو، علیپور د ۹۷ کال د قوس په ۴ ونیول شو، دوره ورځې وروسته د دوهم معاون په وساطت خلاص شو او بیا خپلې سرکشۍ تر ستون شو.
خبره دلته ده چې د حکومت سیاسي ساختار مشکل لري، دلته د انتخاباتو په وخت رئیس جمهور سره په دې ټولو سرکشیو مامله کیږي، زه مطمئن یم چې وروسته د ملي اردو د ۶ کسانو د وژلو به هم علیپور دنګه غړۍ په همدې میدان کې ګرځي، که څوک جګ هم ورته وګوري.
د حکومت اډانه د پردیو جاسوسانو، ایجنټانو او کرايي سیاستمدارانو ډکه ده. له دوی څخه د ملي حاکمیت او ارضي تمامیت ساتلو تمه هسې خوب دی.
تبصره / نظر
نظرات / تبصري
د همدې برخي څخه
شریک کړئ
زمونږ فيسبوک
