آیا د حیرانتیا خبره نه ده ؟
عمر عماد
پدی کی کله هم دوه عاقل انسانان اختلاف نه کوی چه په وحدت کی قوت دی، د یو نه دوه قوی دی او ددوو نه دری او د سلو نه زر ...
خو مونږ چه د ټول امت د یووالی خبره وکړو نو سیکولر او نشنلیانو یارانو باندی دنیا تپه تیاره شی ، او دمنطق او تعقل په غیاب کی به درته :
وایی چه : ته لیونی یی چه په یویشتمه پیړئ کی د واحد امت غږ پورته کوی !
چه ورته وایی : په همدی یویشتمه پیړئ کی د بیلابیلو قومونو او ملیتونو د یووالی ژوندی مثالونه شته دی ، نو د مسلمانانو وحدت درته ولی ناشونی ښکاری ؟
وایی چه : هغوی خپلوګټو سره یوځای کړی دی .
نو چه ورته ووایی : مونږ به هم په وحدت کی له یوی خوا خپلی ګټی تر لاسه کړو ، او له بلی خوا به د اسلام یو شعار عملی کړی وی ، او د شریعت یو حکم ته به مو غاړه ایښی وی .
نو درته به وایی چه دا کار ناشونی دی ، ځکه چه د اسلام په نوم څوک نشی راټولیدلی !
چه ورته وایی : دا پیړئ پیړئ څنګه راټول شوی وه ؟
نو یو به درته به وایی چه : هغه وخت نور تیر شوی دی .
او بل به درته وایی چه : هغه وخت هم عدالت قائم نه وو ، بلکه هر قوم خپلی ګټی پاللی .
خو چه هغه یو ته ووایی چه : وخت نه دی تیر شوی ، بلکه فکرونه بدل شوی دی ، او باید فکرونه بیرته خپل اصلی حالت ته راوګرځول شی .
او چه هغه بل ته ووایی : چه هغه وخت چه کومه غلطی شوی وه هغه د اسلام د روحیی او اوصولو سره مخالف چلند وو ، نو هوښیار به اوسو چه سوچه اسلام ته راستانه شو اوهغه سلبیات بیا تکرار نشی .
نو دلته به دواړه خپل غږونه سره غبرګ کړی او درته به په یو غږ وایی چه : ته هوا ګزوی !
نو چه ورته ووایی : تا ته به هوا ګزول ښکاری ، خو ما ته د الله تعالی د امر پر ځای کول ، ځما تصور د اسلامی لارښوونو سره برابر دی ، او ستا ورسره اړخ نه لګوی .
نو یو به درته وایی چه زه ستا نه ښه مسلمان یم ، او هغه بل به درته وایی چه اسلام د هر چا خپل کار دی !
زه خو دی ګوډ منطق ته بیخی حیران شم چه وایی : غیر مسلمانان سره یوځای کیدلای شی ، خو مسلمانان نه !
دغه یاران فکری یرغل ، او نننی خواشینوونکی واقعیت دومره ځپلی دی چه حتی د امت د وحدت مجرد تصور هم ورته ستونزمن ښکاری او ذهنا یی نشی منلی ، ته به وایی چه سبا به رښتیا هم دا ټوټه ټوټه امت بیرته سره یوځای کیږی او دده سره به په یوه ډوډئ کی دوه دری کسان شریک کیږی !
حسبنا الله ونعم الوکیل .
..........
پورته کرښی ځما د تش په نامه ملت پالو سره د تاودو بحثونو پایله ده .
تبصره / نظر
نظرات / تبصري
د همدې برخي څخه
شریک کړئ
زمونږ فيسبوک
