ورور حکمتيار د مجمع علماء افغانستان له مشرتابه پلاوي سره وکتل
په دې کتنه کې چې د حزب اسلامي په مرکزي دفتر کې ترسره شوه، د يو لړ ملي مسايلو ترڅنګ د ديني علماوو پر ستونزو خصوصاً په دې وروستيو کې پر يو شمېر ديني عالمانو د ترسره شويو بریدونو او چاودنو په اړه چې خورا خواشینوونکې پېښې وې خبرې وشوې.
دحزب اسلامي مشر يو ځل بيا له ديني عالمانو د ملاتړ تر څنګ، د علماوو د ستونزو د حل او د دوی د امنيت په خونديتوب ټينګار وکړ او په هېواد کې يې د جګړې او وینې تویدنې له دوام څخه اندېښنه څرګنده کړه.
همدارنګه په دغه ناسته کې د سولې د روان بهير په اړه هم خبرې وشوې او په دغه بهیر کې د عالمانو رول بنسټیز او مهم وبلل شو.
تبصره / نظر
نظرات / تبصري
د همدې برخي څخه
شریک کړئ
زمونږ فيسبوک
